Plantun de Prouvènço

Pèr coumpara dos planto d'encò nostre

Cuscuta approximata & Micranthes stellaris

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Sassifrago(-estelado)

Micranthes stellaris

Saxifragaceae

Autre noum : Sassifrajo.

Nom en français : Saxifrage étoilé.

Descripcioun :
La sassifrago-estelado dóu gènre Micranthes, es uno pichoto planto emé de fueio basalo verdo, espatulado, dentado e brihanto que trachis en coulounìo dins li mitan bagna de mountagno : en ribo di riéusset e sus li roucas séusous trespirant. Se recounèis bèn emé si pichòti flour blanco qu'an dos taco jauno à la baso de la petalo. Tout acò èi bèn poulit.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 15 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Micranthes
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 8 à 12 Mm
Flourido : Printèms - Estiéu

Sòu : Si
Autour basso e auto : 600 à 2800 m
Aparado : Noun
Jun à avoust

Liò : Roucas trespirant - Riéusset
Estànci : Mountagnard à Aupen
Couroulougi : Artico-Aupenco
Ref. sc. : Micranthes stellaris (L.) Galasso, Banfi & Soldano, 2005 (= Saxifraga stellaris L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Micranthes stellaris

ges

Coumpara Péu-de-lin(-di-sepalo-lusènto) emé uno autro planto

Coumpara Sassifrago(-estelado) emé uno autro planto